Babbu.wmv

Sott’a lu vechju castagnu
Babbu s’hè adurmintatu
Incu la so baretta in l’ochji
A l’ascosu e scucciuratu
Ma cum’era u so destinu
Un s’hè maï più svegliatu

E partitu in altru mondu
Senza angoscia e senza affani
Avendu per stu viaghju
Menu di sessant’ottu anni
Oghje , babbu si n’hè spentu
Cume un lume di San Ghjuvanni

Un c’è micca più gran dolu
Che di perde u so cumpagnu
Ma per tè chi malavia
O mà, quantu ti lagnu
Sè tu chi l’hai trovu
Sott’a lu vechju castagnu