MUNTAGNA......

Muntagna cara , eternu amori .
Muntagnera fiera è sminticata
Fideli è muta tali una spusata .
Ricca di storia è ricca di dulori
Par mè , sarè sempre la me muntagna .
Dundi a nevi hà tessu una
curona…

Imbalsamata da l’arburatura
Indu si cala è si spechja l’altagna
Ha datu sempri aiutu à lu rimitu
Persu da la disgrazia o la sventura
In la to furesta zeppa è sicura
Hà piattu lu guerrieru è lu banditu

Muntagna Corsa , ascolta la me pena…
Vardati da la piaghja traditora
Chi pianu pianu andarà à mora .
Ava chi hè calcicata a so rena…

E i to ochji pieni di tristezza
Un poni vede stu mondu vanu
Un dati più aiutu di i so mani
E culmà u to cori d’amarezza…
Ma prestu vinarà chi a notti pagna .
Si spannarà par dà piazza à u soli
Cantarani dino i to paisoli .
E tu , rinasciarè ! la me muntagna…
Cantarani dino i to paisoli .
E tu , rinasciarè ! la me muntagna…
La me muntagna…..