Monday, December 19, 2011

ADECEC.net - Natale 2011

ADECEC.net - Natale 2011
Natale di sempre

Sia si ella stillata, timpistosa o à fioccu
Quand'omu ci pensa induva sia si u logu
A notte di Natale hè ricordu di dulcezza
E sempre si rament'omu di quella tinnarezza.

Un si tratta d'assai nè mancu di sbarzume,
Aviamu pà splendore, mi ramentu issu lume
Di lu sguardu di babbu, e so fole una à una,
Da teneci svighjati purghjenduci a luna.

U rumenu di mamma ùn lu sminticaraghju,
Passava, venia, facia diciaraghju…
Dava capu à u cundime è po ci incunpannava
Ch'in troncu di mezanotte à prigà si andava.

Spassighjata di fede pà i viottuli cutrati
Era quellu Natale di i nostri temp'andati
Cum'ell'era u sonnu chì tutti ci pigliava
Noi altri zitillucci ch'à veghja si tricava.

Avà Natale hè sempre cume sempre sarà
Nuttata di speranza, stonda di benistà,
Lucicherà inde l'ochji di a nostra niscintria
Pudess'ellu cusi esse induva voglia sia.

Petru Leca
Post a Comment

Liste de partage de girtabaix

Followers

There was an error in this gadget

About Me

My photo

vit et travaille à aix en provence, ancien des services de secours ;

Blog Archive

There was an error in this gadget