PROUVÈNÇO LIÉURO E INDEPENDENTO

PROUVÈNÇO LIÉURO E

INDEPENDENTO



TESTE
- Frederi MISTRAU

* I troubaire catalan
* La Coumtesso
* Espouscado
* Au Pople nostre
* Estra de quòuqui discous
* Lou Partit Prouvençau

- Folco de BARONCELLI

*
Auzour !



MANIFESTO INDEPENDENTISTO

Manifeste pour la Provence Libre



ARQUIEU

Partit Prouvençau

Cuberto de Prouvènço deliéurado

Coustitucioun Prouvençalo



LIAME

Site interessant






En Prouvençau !



Site en francimand (en français)





Nosto acioun se situo essencialament dins la regioun Prouvènço-Aup- Costo d'Asur, meme se quauque d'entre nautre counteston l'espaci d'estensioun d'aquelo regioun pèr de rasoun istourico ou lenguistico. Entenden estre present sus li departiment dis Aup-de-Prouvènço-Auto, di Bouco-de-Rose, di Àutis-Aup, dóu Var e de la Vau-Cluso.

Respeitan l'especificita poulitico dóu Païs Niçard, e l'esistènci de mouviment que li soun propri. Respeitan tan bèn l'especificita culturalo dóu Païs Gavouòt, de sabé la mita nord dis Aup-de-Auto-Prouvènço, lis Aup niçardo e lis Àutis-Aup.

ISTÒRI

Prouvènço es esta mai lountèms independento que franceso. Es estado anessado a contro cor pèr Franço en 1481, sens parla dóu Coumta Venaissin (Vau-cluso) que es esta independent de Franço fins en 1792 e dóu Coumta de Niço que es esta anessa a Franço en 1860. Aquèlis anessioun an pourta i poupulacioun que guerro, pihage ecounoumi e perdo de l'identita culturalo. L'Escolo franceso nous a certo après a legi e escriéure ma nous a jamai ensigna ni nosto istòri, ni mai nosto lengo. Quau counouis la Republico de Marsiho foundado pèr Casaulx a la fin dóu segle 16 ? Quau counouis la Republico dis Escartoun independento dóu segle 14 enjusco la Revoulucioun Franceso ? Quau counouis la revóuto di barbet en Païs Niçard ? Quau saup que li papo d'Avignoun eron pas de papo frances ma de papo de lengo d'O ? etc.

Despiei aquelis anessioun, li prouvençau se soun souvent revòuta. Se soun revòuta en 1851 pèr la republico contro lou cop d'Esta de Napouleoun III.

Li persecucioun religiouso di vaudes pèr Frances 1er an touca lou Leberoun am'en particulie li massacre de Merindòu e de Cabrièro.

Coume l'a tant ben di Mistral, "toun istòri te l'an countado d'a rebous".

Plantaren li grano de nosto Republico d'O a la manièro de Frederi Mistral :

« Planten, planten la farigoulo,
Republican, arrapara !
Fasen, fasen la farandoulo
E la Mountagno flourira »

ECOUNOUMIO

Nous es di que Prouvènço es lou "païs dóu soulèu" e dóu ben viéure, ma assabe que lou caumage actuau (estadistico INSEE de 1998) depasso li 15 % de la poupulacioun ativo ?

La brutalita de la poulitico coulounialo de Franço a brisa lou develoupament ecounoumi duradis dóu port de Marsiho.

Uno di carateristico de l'ecounoumio prouvençalo es la souto-industrialisacioun. Lis emple crea a Fos-de-Mar e dins lis auto teinoulougio beneficion qu'indireitament i prouvençau d'ourigino e ren es fa pèr favourisa l'integracioun di nouveu vengu. Meme se lou tourrisme counstituo un aport ecounoumi benefi, es coupa de la realita prouvençalo. La poulitico dóu tout-tourisme vougudo pèr Paris es pas estado integrado au paisage. De mai l'oundado tourristico touco inegalament li zono prouvençalo, lou tourisme se limito au soulèu sens li prouvençau, es lou soulèu sens lis ome.

Desequilibre entre la costo e l'interiour dóu païs : uno costo prouvençalo ressemblo de mai en mai i Balear e l'interiour dóu païs ecounoumicament marginalisa e souto-poupla.

Aco a pèr counsequenci la flambado generalisado di près. La jouinesso prouvençalo arribo plus de si louja e a coume soulucioun que l'espatriacioun. Aco creo un desequilibre demougrafi e territouriau.





CULTURO

La lengo prouvençalo es grandament amenaçado. A a pau près degun sousten di poude publi, es utilisado que dins de gueto culturau (dins quauqui famiho, a la casso, dins li clubs dis ancian, etc.) mentre qu'ero ancaro un segle fa, la lengo d'usanci de touto la poupulacioun en foro de quauquis eleito.

La destrucioun dóu liame souciau prouvençau a entraina la guetouisacioun pèr l'arribado brusco de poupulacioun. Dins l'ensen un habitant de dous es pas nascu en Prouvènço. L'a pas de respet pèr la culturo prouvençalo autro que dins uno visioun passeisto.

La literaturo prouvençalo es pas valourisado.

Lis art e la creacioun artistico soun sistematicament filtra pèr Paris e li mèdio parisen.

La presso, la radiou coume la televisioun soun countroulado pèr Paris. Meme noste "acent" es pouliticament incouret pèr li dirigent di mèdio, leva dins de doumeni restren coume li coumentari espourtiéu : fout, rubi ou la cousino.





POULITICO


Prouvènço coume tóuti li païs d’O a servi fins uèi de tremplin pèr arriba a Paris. Coumtan plus lis ome pouliti que se soun fa un noun dins l’istòri de Franço en mounta a la capitalo.
Li Sieyès, li Mirabèu, li Tièr, li Gambetta, etc.
Li parti de gaucho coume de drecho, e mai ancaro lis estremo, soun de fatour de divisioun. Se servoun de Prouvènço au lio de la servi.

Es tèms qu'aco change e que lou parti de la Prouvènço Liéuro prengue lou poude en Prouvènço.
Pèr aco, nous aparten de precisa li grando ligno d’un prougramo de liberacioun e de prougrès amé la participacioun de tóuti li forço vivo de Prouvènço que voudran ben faire de camin amé nautre.

Entenden pas pratica la poulitico dóu tout ou ren, ma de maniero determinado e pramatico, avança pas a pas vers l’independenço de Prouvènço dins uno counfederacioun naturalo di Païs d’O, meme deperèlo membro de la counfederacioun euroupenco que se bastis.

En un mot ço que voulen, es l’independenço ou tout dóu mens uno largo autounoumio prougressivo, pas a pas, pèr delegacioun de poude de Paris vers Prouvènço e, óuteni pèr Prouvènço l'estatu di Länder alemand ou miès l'estatu de Catalougno.


NOSTE PROUJET

- Institucioun : faire de la Regioun Prouvènço un esta independent dins l'ensen euroupen coume lou soun Catalougno, Sardegno ou li lander alemand.

- Poulitico : pèr l'independènci de Prouvènço dins uno counfederacioun di Païs d'O. L'independènci es pas l'autarcio, ma pèr nautre uno largo autounoumio dins l'encastre euroupen.

- Tourisme : pouden desveloupa un tourisme inteligent, un tourisme culturau. Pèr un tourisme qu'aporte en tout lou mounde.



Noste mouvement a pèr toco de counstitua uno forço poulitico prouvençalo, de faire passa lou message de l'independènci de nosto nacioun d'o e de se presenta is eleicioun regionalo.

COUNTATE :

- demanda l'adesioun a : Prouvenco_lieuro@hotmail.com



Couleitiéu Prouvènço Liéuro (c)