Inlinguacorsa, un blog scrittu...

Inlinguacorsa, un blog scrittu...: "Per a libertà

Tù chì sì statu un ghjornu inghjuliatu per difende a to libertà
Ùn pensà più ch'ai straziatu i to penseri lascia un pocu stà
Ùn ti lagnà più nant'à u to passatu ti sì battutu per pudè megliu stà
È pensa appena ch'ind'è questu mondu ci sò chì morenu per a libertà.

Veni cù mè porghji la manu emu da cantà emu da cantà
Perch'elle compiinu in lu mondu sanu
L'offese à la libertà.

Ascolta un pocu tù caru fratellu in certi lochi luntanu culà
Ci sò di l'omi chì si sò messi arritti ma l'anu chjosi per l'eternità
Senza pudè difende e so idee l'anu tumbati senza pietà
Eranu tanti omi fieri è sò morti per a libertà.

Ripigliu.

È ghjè per quessa ch'o ti dicu ùn piantà mai di luttà
Canteremu per i nostri fratelli scunsulati per sempre culà
Chì e nostre voce saltinu e fruntiere chì mancu lu piombu le possi parà
Per falle sente scalendu in lu celu ci vole à luttà ci vole à luttà.

Ripigliu.

(F. DELLAPINA)

– Envoyé à l'aide de la barre d'outils Google"